“Məktəbli kuboku” futbol çempionatı uğurla start verildi

24–25 dekabr 2025-ci il tarixlərində Quba-Xaçmaz Regional Təhsil İdarəsinin tabeliyində fəaliyyət göstərən Quba, Şabran və Xaçmaz rayonları üzrə ümumtəhsil məktəblərinin komandaları arasında “Məktəbli kuboku” futbol çempionatının ilk oyunları təşkil olunub.

Çempionatda V və VII siniflər üzrə oğlan komandaları, eləcə də V sinif qızlardan ibarət komandalar mübarizə apararaq idman bacarıqlarını nümayiş etdiriblər. Yarış məktəblilər arasında fiziki aktivliyin artırılması, sağlam həyat tərzinin formalaşdırılması və komanda ruhunun inkişaf etdirilməsinə xidmət edir.

📍 Rayon mərhələləri aşağıdakı təhsil müəssisələrində keçiriləcək:

Şabran rayonu – Şabran rayonu Səməndər Musayev adına Uzunboyad kənd tam orta ümumtəhsil məktəbi

Quba rayonu – Quba rayonu Rəhman Məmmədov adına Alekseyevka kənd tam orta ümumtəhsil məktəbi

Xaçmaz rayonu – Xaçmaz şəhəri Cəfər Cabbarlı adına 6 nömrəli tam orta ümumtəhsil məktəbi

“Məktəbli kuboku” gənclərin idmana cəlb olunmasında və məktəblərarası əlaqələrin möhkəmləndirilməsində mühüm rol oynayır.