Yenilənmiş Xaçmaz şəhəri Abamüslüm Səlimov adına 7 nömrəli tam orta ümumtəhsil məktəbinə şagird qəbulu elan olunur
Quba-Xaçmaz Regional Təhsil İdarəsinin tabeliyində “Tam orta məktəb” layihəsi çərçivəsində fəaliyyət göstərəcək və tədrisi Azərbaycan bölməsi üzrə aparılacaq Xaçmaz şəhəri Abamüslüm Səlimov adına 7 nömrəli tam orta ümumtəhsil məktəbinə 2025–2026-cı tədris ili üzrə X və XI siniflərə şagird qəbulu elan edilir.
Xaçmaz şəhəri Abamüslüm Səlimov adına 7 nömrəli tam orta ümumtəhsil məktəbinin X sinfinə qəbul IX sinif üzrə buraxılış imtahanı nəticəsi 220, XI sinfinə qəbul isə buraxılış imtahanı nəticəsi 240 baldan yuxarı olan şagirdlər üçün həyata keçirilir.
Qeyd edək ki, təhsil müəssisəsində tədris prosesi xüsusi təhsil proqramı əsasında təşkil ediləcəkdir. Məktəbin əsas üstünlüyü ondan ibarətdir ki, şagirdlər əlavə abituriyent hazırlığına ehtiyac duymadan, birbaşa məktəbin özündə ali təhsil müəssisələrinə tam şəkildə hazırlaşa biləcəklər.
Dərslər peşəkar və təcrübəli müəllimlər tərəfindən aparılacaqdır. Tədris ili ərzində proqram əsasında fənlər üzrə ödənişsiz sınaq imtahanları təşkil ediləcəkdir. Şagirdlərə fərdi yanaşma tətbiq olunacaq və yüksək keyfiyyətli təhsil mühiti yaradılacaqdır.
Məktəbə qəbul üçün son qeydiyyat tarixi: 01.09.2025
Qeydiyyat linki: https://forms.gle/yfd156GTUwJ5x8BdA
Yeni Şərh