Məktəbəqədər təhsil müəssisələrinin müdirlərinin yerdəyişməsi müsabiqəsinə başlanılır.
Müsabiqədə hazırda Quba-Xaçmaz Regional Təhsil İdarəsinin tabeliyindəki dövlət məktəbəqədər təhsil müəssisələrinin müdiri vəzifəsində müddətsiz əmək müqaviləsi ilə çalışan ali pedaqoji təhsilli və həmin müəssisədə müdir vəzifəsində ən azı 3 il işləmiş şəxslər iştirak edə bilər.
Yerdəyişmə etmək istəyən namizədlər 04 aprel 2025-ci il tarixindən 11 aprel 2025-ci il saat 17:00-a qədər aşağıdakı link vasitəsilə qeydiyyatdan keçə bilərlər.
Qeydiyyat linki: https://docs.google.com/.../1FAIpQLSe26M5FiP2.../viewform
Tələb olunan sənədlər:
Şəxsiyyət vəsiqəsinin surəti;
Ali təhsili haqqında diplomun surəti;
Əmək kitabçasının surəti.
Müraciətlərə baxılarkən müdirlərlə bağlı aşağıdakı göstəricilər nəzərə alınır:
intizam tənbehinin olub-olmaması;
rəhbərlik etdiyi müəssisədə nöqsanların olub-olmaması;
idarəetmə stajı;
təhsil səviyyəsi.
Komissiya tərəfindən yerdəyişməsi məqbul hesab edilən müdirlər barədə məlumatlar əmək münasibətlərinin rəsmiləşdirilməsi üçün Agentliyə göndəriləcək.
Vakant yerlərin siyahısı: https://docs.google.com/.../1tjPqUnMFTqO95GDPNXnk.../edit...
Yeni Şərh