Ümumi təhsil müəssisələrində tədris (təlim-tərbiyə) işləri üzrə direktor müavini, məktəbdənkənar və sinifdənxaric tərbiyə işi üzrə təşkilatçı vəzifələrinə işə qəbul müsabiqəsinə start verilir.
Müsabiqə 4 mərhələdən (qeydiyyat, sənədlərin yoxlanılması, test və müsahibə) ibarət olacaqdır.
Qeydiyyat prosesi Quba-Xaçmaz Regional Təhsil İdarəsinin inzibati binasında (Quba şəhəri, Ə.Nərimanov küçəsi 56), 9-13 dekabr 2024-cü il tarixlərində saat 10:00-dan 17:00-dək həyata keçiriləcəkdir.
Müsabiqədə iştirak üçün tələb olunan sənədlər:
- kadrlar uçotunun şəxsi vərəqəsi (əlyazma şəklində)
- tərcümeyi-hal (əlyazma şəklində)
- şəxsiyyəti təsdiq edən sənədin surəti
- əmək kitabçasının surəti
- ali təhsil haqqında sənədin və əlavəsinin surəti
- hərbi biletin surəti
Namizədlər üçün tələblər aşağıdakı kimdir:
• pedaqoji ixtisas üzrə ali təhsil;
• 3 ildən az olmayaraq pedaqoji staj;
• ümumi təhsil müəssisəsində hazırda müəllim kimi pedaqoji fəaliyyətlə məşğul olmaq.
Yalnız qeyd olunan tələblərə cavab verən namizədlər müsabiqədə iştirak etmək hüququ qazanacaqlar.
Üstünlük veriləcək namizədlər:
• Müəllimlərin işə qəbulu müsabiqəsində, sertifikatlaşdırma və ya diaqnostik qiymətləndirilmə imtahanında yüksək nəticə əldə etmiş şəxslər;
Test mərhələsində iştirak edənlərin müsahibə mərhələsinə keçmək üçün keçid balı namizədlərin test mərhələsində topladığı bala görə dəyişə bilər.
Qeyd: Müsabiqənin hər hansı bir mərhələsində namizəd tərəfindən təqdim olunmuş sənədlərdə uyğunsuzluq aşkar edilərsə, namizədin müsabiqə nəticələri ləğv ediləcəkdir.
https://docs.google.com/.../17QT29X5Aq0Ju2QJ6Zkak.../edit...
Yeni Şərh